Góð grein í Mogganum í morgun.

Var að lesa góða grein í mogganum eftir Gísla Frey Valdórsson blaðamann og nema. "Davíð í öllum hornum." Þar vitnar hann í árs gamalt viðtal við Guðmund Ólafsson hagfræðing og lektor við HÍ. í DV. þar sem hann fer háðulegum orðum um viðvörunar orð Davíðs Oddsonar um að við værum komin fram á bjargbrún vegna erlendra skulda og viðskiptahalla (nóvember 2007). 

Hvernig væri að taka þennan áður nefndan Guðmund Ólafsson í yfirheyrslu vegna þessa viðtals, er forsvaranlegt að hafa slíkan rugludall fyrir kennara í háskóla Ísland. Það virðist alltof algengt að fræðimenn láti pólitískar skoðanir ráða sínum leiðbeiningum til okkar sem fávísir eru af bóklegu viti. Það mátti öllum vera ljóst að það gengi aldrei til lengdar að safna bara skuldum erlendis til þess að fjárfesta í óarðbærum framkvæmdum eins og íbúðarhúsnæði, lúxus jeppum o.s.f.v. það þurfti enga fræðinga til að sjá það ,hver sem hefur rekið heimili eða fyrirtæki veit hvert það leiðir.

Stjórnmálamenn heyktust á að taka á þessu, ekki vinsælt að stoppa veisluhöldin og vitandi það að svo kallaði almenningur mundi rísa upp á móti öllum takmörkunum á frelsi þeirra sem sóttu lánin,með forsetan í fylkingar brjósti.